अशी घ्या त्वचा आणि केसांची काळजी

health

ऋतुनुसार त्वचा आणि केसांचे प्रॉब्लेम्स बदलत असतात. या सगळ्या प्रॉब्लेम्सवर मात करून आपण जास्तीत जास्त प्रेझेंटेबल कसं होऊ यासाठी काही टिप्स…

१. पिगमेंट हा मेलॅनिनचा एक प्रकार आहे. ड्राय स्कीन, हार्मोनल इनबॅलन्स तसंच, जास्त सूर्यप्रकाशाच्या संपर्कात असल्यामुळे आपल्या चेहऱ्यावर ते दिसतं. यासाठी तुम्ही पार्लरमध्ये आयनाझेशन ही ट्रिटमेंट घेऊ शकता. तसंच, घरच्या घरी दुधामध्ये जायफळ उगळून त्याचा लेप चेहऱ्यावर लावू शकता.

२. केस खराब होत असतील तर त्यासाठी स्कार्फ बांधणं हा उत्तम पर्याय आहे; परंतु तो आवळून बांधू नका. किंवा अगदीच सैलही बांधू नका. स्कार्फ अशाप्रकारे बांधा की ज्यामुळे केसांत धूळही जाणार नाही तसंच प्रखर उन्हापासून त्यांचं रक्षणही होईल.

३. केसांसाठी कधीही फार गरम पाणी वापरू नका. कोमट पाणी वापरल्यास केस कायम चांगले राहातील.

४. केस ड्रायरनं सुकवू नका.

५. केसांसाठी शाम्पू किंवा कंडिशनर जरूर वापरा. पण दरवेळी तो बदलू नका. तुमच्या केसांना साजेसा, कमी केमिकल असलेला शाम्पू वापरा.

६. कुरळ्या केसांसाठी शाम्पू, कंडिशनर आठवड्यातून फक्त दोनदा वापरा.

७. बाजारातले खास कुरळ्या केसांसाठीचेच शाम्पू वापरा.

८. मोठ्या दातांचा कंगवा वापरल्यास उत्तम.

९. नियमित व्यायामानं केसांचं, त्वचेचंही आरोग्य सुधारण्यास मदत होते.

१०. दिवसभरात ८-१० ग्लास पाणी प्या.

११. केसांची स्वच्छता योग्य पद्धतीनं राखा.

१२. तेलकट त्वचेवर पिंपल्स जास्त दिसतात. वयाच्या १६ ते २६व्या वर्षापर्यंत त्वचा जास्त अॅक्टिव्ह असते. अशा त्वचेवर पिंपल्स असतील, तर तुम्ही पिंपल्समुक्त मेडीकेटेड सोप किंवा फेस वॉश वापरा. तसंच, पिंपल्सचे काळे डाग असतील, तर हळकुंड पूड आणि वेखंड पूड एकत्र करून पाण्यात कालवून चेहऱ्याला लावा.

Leave a Reply