Career in hair Stying

 

कालपर्यंत हेअर कटिंग असा बोर्ड असलेल्या दुकानाचं आज ‘हेअर सलोन झालं आहे. केवळ केस कापण्यापुरता जाण्याचं हे ठिकाण आता बदललं आहे. केस कापणं मागे पडून हेअर स्टायलिंग करण्यासाठी या सलोनला वारंवार भेट द्यावी लागतेय. हेअर कटिंग सलोन ते सलोन या मेकओव्हरबद्दल सांगताहेत नामांकित इण्टरनॅशनल हेअर स्टायलिस्ट आणि ट्रेनर उदय टक्के

……….

* आजच्या हेअर इण्डस्ट्रीबद्दल तुम्ही काय सांगाल?

हेअर स्टाइल इण्डस्ट्रीला आज प्रचंड मागणी येत आहे. याचं कारण आहे ते फिल्म, एण्टरटेन्मेण्ट, मीडिया या क्षेत्रांबरोबरच सामान्य माणसांमध्ये झालेली सौंदर्याबद्दलची जागरूकता. आज प्रत्येक जण स्वत:ची काळजी घेऊ लागला आहे. प्रेझेण्टेबल आणि अप टू डेट ठेवण्यासाठी ब्युटी आणि हेअर इण्डस्ट्रीकडे वळू लागला. प्रेझेण्टेबल ठेवण्यासाठी, आत्मविश्वास वाढवण्यासाठी सौंदर्याकडे दुर्लक्ष करून चालत नाही.

क्लाससाठी नाही, तर माससाठीही ही इण्डस्ट्री कार्यरत होऊ लागली. कालपर्यंत लो प्रोफाइल समजण्यात येणाऱ्या या व्यवसायाला आज प्रसिद्धी मिळू लागली आहे. त्यामुळे फुलटाइम करिअरसाठीही या क्षेत्राचा विचार होऊ लागला. कमी शिकलेलेच नाही, तर ग्रॅज्युएशन, पोस्ट ग्रॅज्युएशन केलेले अनेक जण फुलटाइम करिअरसाठी या क्षेत्रात दाखल होत आहेत.

* या क्षेत्रात करिअर करण्यासाठी काय पर्याय आहेत? प्रशिक्षणाची आवश्यकता काय?

आज अनेक नामांकित/बिगर नामांकित संस्था आणि हेअर स्टायलिस्ट हेअर ड्रेसिंग/ डिझायनिंग/ स्टायलिंग/ कटिंगचं प्रशिक्षण देतात. अनुभवी आणि दजेर्दार संस्थेत प्रवेश घेऊन हे प्रशिक्षण घेता येईल.

कोणत्याही क्षेत्रात काम करताना त्या विषयाची संपूर्ण माहिती आणि कामाचा अनुभव तुमच्याकडे असायलाच हवा. आपल्या कामात यशस्वी होण्यासाठी ते आवश्यक असतं. म्हणूनच प्रशिक्षणाची आवश्यकता आहे.

आपल्याकडे येणाऱ्या क्लायण्टच्या डोक्याचा आकार, त्यानुसार कट/ स्टाइल कशी करायची, कैची कशा पद्धतीने पकडायची, कलर/हायलाइट किंवा रीबॉण्डिंग, स्ट्रेटनिंग अशी एखादी ट्रीटमेण्ट घेतल्यावर तसंच बदलत्या ऋतूप्रमाणे केसांची काळजी कशी घ्यायची, काम करताना आपली बॉडी लँग्वेज कशी असायला हवी, कम्युनिकेशन स्किल आदी सर्व बाबी याच प्रशिक्षणातून समजून घेता येतात. म्हणूनच चांगला हेअर स्टायलिस्ट/डिझायनर म्हणून आपलं नाव कमवायचं असेल, तर योग्य ते प्रशिक्षण घ्यायलाच हवं

* सध्याचे हेअर ट्रेण्ड्स कोणते?

सध्या स्ट्रेटनिंग, रीबॉण्डिंग, कलरिंग, हायलाइट्स, पमिर्ंग आणि कटिंगला खूप मागणी आहे. केसांची लांबी खूप कमी न करता फॅशनेबल लूकला स्त्रियांमध्ये मागणी आहे. एकाच वेळेस डिसेण्ट आणि फंकी लूक त्यांना मिळवायचा असतो. एकंदरच म्हणायचं, तर आज लोकांकडे फारसा वेळ नसल्याने वॉश अॅण्ड वेअर (म्हणजे ठराविक एकच लेन्थ आवश्यक नाही) लूकला मागणी आहे.

* केस कायम चांगलं राहण्यासाठी काय करायला हवं?

केसांची काळजी नियमितपणे घ्यायलाच हवी. अन्यथा केसांचं सौंदर्य धोक्यात येतं. केस मेण्टेन करताना केसांचा पोत ओळखून काळजी घ्यायला हवी. त्याचबरोबर बदलत्या ऋतूनुसार शाम्पू आणि कण्डिशनर निवडून केस धुवा.

* तुमच्याबद्दल आणि ट्रेनिंग इन्स्टिट्यूटबद्दल सांगा.

परंपरागत असणाऱ्या व्यवसायाला काळाबरोबर आधुनिक करण्याचं काम मी करतोय. यासाठी केवळ भारतातच नाही, तर परदेशातून प्रशिक्षण घेतलं आहे, तिथे काम केलं आहे. १९९६ मध्ये मी हाय टेक फिंगर्स या हेअर आणि स्किन ट्रेनिंग इन्स्टिट्यूटची स्थापना केली. दरवषीर् साधारण ३०० विद्याथीर् इथून प्रोफेशनल्स बनून बाहेर पडतात.

या व्यवसायाला सध्या मागणी येत असल्यामुळे ग्लॅमर येऊ लागलंय. त्यामुळे या क्षेत्रात मराठी व्यावसायिकांनाही चांगल्या संधी उपलब्ध करून देण्यासाठी आमचे प्रयत्न सुरू आहेत. सलोन आणि ब्युटी पार्लर्स असोसिएशन ऑफ इंडिया फॉर महाराष्ट्र या संस्थेचा अध्यक्ष, तसंच एबीटीसी (इंडिया) आणि सीएसआयचा सदस्य या नात्याने या इण्डस्ट्रीमध्ये एकसारखेपणा आणण्यासाठी प्रयत्नशील आहेत. सगळ्याच सलोन्समधले दर

समान आणि स्वच्छतेचा अट्टहास या गोष्टी लागू करण्यासाठी आमचे प्रयत्न सुरू आहेत. तसंच विविध ठिकाणी आयोजिणाऱ्या सेमिनार्स, वर्कशॉप्सच्या माध्यमातून या व्यवसायाबद्दल जागरूकता निर्माण

करत आहोत.

* हाय टेक फिंगर्स इन्स्टिट्यूटमध्ये उपलब्ध असणाऱ्या कोसेर्सबद्दल सांगा.

हेअर आणि स्किन ट्रीटमेण्टच्या संदर्भात ट्रेनिंग देणारे फाऊण्डेशन ते अॅडव्हान्स कोसेर्स इथे उपलब्ध आहेत. हेअर कट, स्टायलिंग, नवनवीन लूक्स, मेकअप, अॅडव्हान्स स्किन ट्रीटमेण्ट आदी वेगवेगळ्या विषयांची माहिती आणि प्रत्यक्ष कामाचा अनुभव विद्यार्थ्यांना इथे मिळतो.

संपर्क : लक्ष्मी ब्युटी सलोन, हॉटेल ज्वेल पॅलेस, बिल्डिंग २ आणि ५,

रोड कॉर्नर, खार (पश्चिम),

मुंबई – ४०००५२.

Leave a Reply